Министерот за транспорт, Александар Николоски, оствари средба со вршителката на должност амбасадорка на Соединетите Американски Држави во Македонија, Никол Варнс.
Како што соопшти Николоски, на средбата се разговарало за тековните инфраструктурни проекти, економската соработка и можностите за понатамошно продлабочување на стратешкото партнерство меѓу двете земји.
Тој истакна дека Владата останува силно посветена на реализацијата на капиталните инфраструктурни инвестиции, кои, според него, претставуваат значаен двигател на економскиот раст, регионалното поврзување и подобрувањето на квалитетот на живот на граѓаните.
„Продолжуваме со продлабочување на соработката во сите области од заемен интерес, во духот на традиционалното пријателство и партнерство меѓу двете земји“, објави Николоски по средбата.
