(Во живо) Николоски за соработката со Милчо Манчевски: „Секоја минута ја користев да научам“

Актерот и стендап комичар Стефан Николоски, во поткастот „Претрес со Ландов“, говореше за првото искуство во игран долгометражен филм. Актерот откри дека соработката со режисерот Милчо Манчевски му донела драгоцено искуство, од режисерскиот пристап и продукцијата до начинот на кој работи со актерите.

Во разговорот тој истакна дека максимално го искористил времето поминато на снимањето за да научи што е можно повеќе од искусниот режисер.

— реклама —

„Тоа се случи да биде кај Милчо Манчевски и мислам дека сè што можев да впијам од тој човек, да научам – не само за режијата, не само за тоа како го изведува целото тоа, туку и за неговата продукција и начинот на кој се однесува со актерите – секоја минута и секоја секунда ја користев да научам“, раскажа тој.

На прашањето што би можеле другите да научат од Манчевски, тој посочи дека една од најважните лекции е способноста да се создаде добра екипа и да се работи ефикасно, без притоа да се жртвува квалитетот.

— реклама —

„Треба да научиме дека човекот знае да направи добра екипа и да работи брзо, а многу добро. И тоа е нешто кое што е priceless“, рече тој.

Снимањето, според неговото сеќавање, траело околу два до три месеци. Иако сè уште го нема гледано конечниот филм, актерот е задоволен од сопствениот ангажман и најави дека ќе го погледне на македонската премиера.

— реклама —

„Не сум го гледал уште, стварно ти кажувам. Ќе го гледам на премиера, македонска. Мислам, не ми го ни пратиле да го гледам“, откри тој.

На директното прашање дали е задоволен од себе, одговори потврдно: „Апсолутно, да“.

Соработката со Манчевски за него претставува значајно професионално искуство, а можноста да учи од еден од најпознатите македонски режисери ја издвојува како особено вреден дел од снимањето.

Стефан Николовски на „Претрес“: Тони, Тино, Атанас, Љутков, политичарите и „тајните“ зад сцената! Гледај на LANDOV.MK 2:18:21