Министерот за здравство Венко Филипче на денешната прес конференција не сакаше да ги коментира како што кажа индивидуалните одлуки за одмор, за владини функционери. Тој на прашањето дали генерален секретар во Владата Драги Рашковски и министерот Љупчо Николовски кога ќе се вратат од Мексико и од Дубаи ќе одат во карантин вели:
– Карантин од 14 дена е препорачан за луѓе кои патуваат во земји од африканскиот континент. Причина е евентуална трансмисија на онаа јужноафриканска варијатна во земјава која многу побрзо се пренесува и поради тоа што сѐ уште не се знае ефектот на вакцините врз овој сој на вирусот. Не е загрозена работата на владата во делот на кризното менаџирање. Не би сакал да ги коментирам тие одлуки за патувања, истакна Филипче.
фото: Архива
