Ноќна акција во скопски локали: алкохол за малолетници и сомнежи за дрога

Осум лица биле лишени од слобода, меѓу кои и три малолетни лица, при ноќна акциска контрола во повеќе угостителски објекти во Скопје.

Контролата ја спровеле Секторот за внатрешни работи Скопје и инспектори од Државниот пазарен инспекторат. Во текот на акцијата биле легитимирани вкупно 37 лица.

— реклама —

При проверките биле утврдени повеќе неправилности во угостителските објекти. Во два локали било констатирано дека угостителите работеле по истекот на дозволеното работно време.

— реклама —

Во еден од објектите било утврдено и дека се точел алкохол на малолетни лица. Во истиот локал биле затекнати и лица за кои постоеле сомнежи дека поседуваат наркотични дроги, психотропни супстанции и прекурсори.

— реклама —

Од надлежните институции најавено е дека контролите во угостителските објекти на подрачјето на Скопје ќе продолжат и во наредниот период, со цел откривање и санкционирање на прекршувањата и незаконските активности.