Чешката тенисерка Линда Носкова не можеше да ги сокрие емоциите по освојувањето на титулата на Вимблдон, а нејзиниот говор на свеченото доделување на трофејот ја трогна публиката.
Носкова најпрво ѝ се обрати на својата сонародничка и пријателка Каролина Мухова, против која го одигра финалето.
„Ова ми изгледа како прва победа... Неверојатно. Сè беше многу тешко и физички и психички. Никогаш не е лесно да се игра против пријателка. Каролина, успеа да ме расплачеш... Ова никогаш нема да ти го заборавам“, рече Носкова.
Таа истакна дека е среќна што токму против Мухова ја освоила својата прва титула.
„Мило ми е што играв токму против тебе и што до првата титула стигнавме заедно. Не против тебе, туку со тебе“, порача чешката тенисерка.
Потоа им се обрати на љубителите на тенисот во Чешка.
„Верувам дека сите Чеси уживаа во овој натпревар, без разлика за кого навиваа. И да го освоеше трофејот ти, тоа ќе беше сосема заслужено.“
Носкова ѝ честиташе на Мухова и на нејзиниот стручен штаб, нагласувајќи дека зад нив е одлична сезона.
На крајот им се заблагодари на својот тим и на тренерот со кого соработува веќе шест години.
„Имав најдобра можна атмосфера овде. Не беше секогаш лесно да се работи со мене, но без мојот тренер немаше да бидам тука.“
Најемотивниот момент дојде на самиот крај од говорот.
„Морам да ѝ се заблагодарам на мајка ми. Немаше да стојам овде ако не беше таа“, рече Носкова, по што испрати бакнеж кон небото.
