Јеменските бунтовници Хути објавија дека нивните поморски сили извршиле операција против американски контејнерски брод во Аденскиот залив, неколку часа откако истрелале проектил кон разурнувачот на американската морнарица „Гравели“.
„Го гаѓавме американскиот трговски брод KOI со неколку поморски проектили“, изјави портпаролот на Хутите, Јахја Сареа, пренесе Ројтерс.
Контејнерскиот брод KOI под либериско знаме е управуван од Oceanik Services со седиште во Велика Британија.
Во флотата на оваа компанија е и танкерот за нафта „Марлин Луанда“, кој беше оштетен во ракетен напад на Хуту.
Британската компанија за поморска безбедност Амбри соопшти дека трговскиот брод пријавил експлозија на десната страна откако бил погоден од проектил додека пловел 69 наутички милји југозападно од Аден, Јемен.
Проиранските бунтовници Хути, кои контролираат големи делови од Јемен, започнаа бранови напади со беспилотни летала и ракети врз трговските бродови во Црвеното Море од 19 ноември како одговор на израелските воени операции во Појасот Газа.
Воената кампања на Хуту го прекина комерцијалниот меѓународен превоз, предизвикувајќи многу компании да го прекинат транзитот низ Црвеното Море.
