Нов напредок на патот Охрид–Кичево: Од денес во функција клучката Требеништа

Министерот за транспорт Александар Николоски информира дека изградбата на автопатот Охрид – Кичево се одвива со засилена динамика, при што работите продолжуваат и во вечерните часови со цел проектот да биде завршен во предвидениот рок.

— реклама —

„На автопатот Охрид - Кичево се работи и доцна навечер имајќи предвид дека временските услови се поволни, со што ја потврдуваме нашата решителност и посветеност да го доизградиме автопатот во рокот што е предвиден.

Од утре во сообраќај се става и клучката Требеништа, со што се завршува уште еден дел од автопатот Охрид - Кичево.

Кога се има јасна цел, силна координација и волја – резултатите се неизбежни.

Интензивно работиме и на споредните патишта, кои не беа предвидени претходно, со цел ниту едно населено место да не остане неповрзано.

Покажуваме континуитет и одговорност во реализацијата на капиталните проекти кои се од стратешко значење за државата.

Ја градиме Македонија“, објави Николоски.

— реклама —

— реклама —