Нов пресврт: Полицијата не го пронајде лицето кое му паднало шишето на главата на Новак

Главна вест во спортскиот свет во моментов е инцидентот што се случи на турнирот во Рим кога Новак Ѓоковиќ се повреди и заврши во болница. Во главата го удрило метално шише кое случајно испаднало од ранецот на момче кое сакало само автограм.

— реклама —

Откако бил удрен, Ѓоковиќ ги ставил двете раце на главата, а потоа се свиткал на земја додека чуварот го штител. Потоа му помогнаа да се спушти низ тунелот до соблекувалната.

— реклама —

Ѓоковиќ имал испакнатина на главата и лекарите го прегледале, објавија организаторите на турнирот. Тој не ја одржа вообичаената прес-конференција по натпреварот.

„Напуштајќи го централниот терен по натпреварот, Новак Ѓоковиќ беше удрен со шише со вода во главата додека даваше автограми. Тој добил медицинска помош и веќе го напуштил комплексот за да се врати во својот хотел. Неговата состојба не е причина за загриженост“, се вели во соопштението на организаторите.

— реклама —

Ѓоковиќ имаше малку крв на главата, но не му требаа конци, изјави портпаролот на Италијанската тениска асоцијација Алесандро Катапано.

— реклама —

Полицијата не го пронајде лицето.