Нашето подрачје ќе потпадне под влијание на нов студен и влажен бран, кој ќе услови врнежи претежно од снег, а во југоисточните делови од дожд и снег. На повеќе места врнежите ќе бидат обилни, во југоисточните делови ќе бидат претежно од дожд (над 40л/м2), а во останатите од снег и ќе се формира нова позначителна снежна покривка. Утринската температура ќе се движи околу нулата, а дневната во југоисточните делови ќе се искачи до 5 степени.
Во Скопје времето ќе биде променливо облачно со врнежи од снег, а температурата ќе се движи од 0 до 1 степен.
Во наредните денови следува облачно време со умерени до обилни врнежи претежно од снег, а во југоисточните делови од дожд и снег. Ќе дува умерен до засилен северен ветер.
