Нов танкер експлодирал во Ормускиот Теснец, четири инциденти за само 24 часа

Четврти нафтен танкер во последните 24 часа налетал на мина во Ормускиот Теснец, соопшти Корпусот на Исламската револуционерна гарда (ИРГЦ), а пренесоа иранските медиуми.

— реклама —

„Четврти танкер за 24 часа експлодираше во Ормускиот Теснец по судир со морска мина“, се наведува во извештај објавен синоќа на Телеграм-каналот на „Прес ТВ“.

— реклама —

Иранската Револуционерна гарда претходно соопшти дека три нафтени танкери се запалиле и експлодирале додека се обидувале да ги користат, како што тврди Техеран, неовластените пловни рути низ Ормускиот Теснец.

Во соопштението на морнарицата на Револуционерната гарда се наведува дека еден од танкерите превезувал два милиони барели сурова нафта кога налетал на мина.

— реклама —

САД и Израел на 28 февруари започнаа напади врз цели во Иран, на што Техеран возврати.

Судирот практично го запре поминувањето на бродовите низ Ормускиот Теснец, една од најважните светски рути за транспорт на нафта, нафтени деривати и течен природен гас. Нарушувањата во поморскиот сообраќај доведоа до раст на цените на горивата во повеќето земји.