Со пребројани 33,45% од гласовите, според официјалните податоци од грчкото МВР, Нова демократија е победник на предвремените парламентарни избори во Грција, со 8,5% разлика во однос на СИРИЗА и доволен број пратеници за да формира еднопартиска влада, јави дописничката на МИА од Атина.
Поконкретно:
Нова демократија 39,87% – 159 пратенички места
СИРИЗА 31,34% – 85 пратенички места
Движење на промена 8,25% – 23 пратенички места
Комунистичка партија на Грција 5,3% – 14 пратенички места
Грчко решение 3,77 % – 10 пратенички места
МЕРА25 3,37% – 9 пратенички места
Златна зора 2,99% – 0 пратенички места
Според досега преброените гласови, Златна зора не успева да обезбеди место во грчкиот парламент, бидејќи за 0,01% не ја достигнува границата од 3%, нешто што може подоцна да се промени.
Новоформираниот Парламент ќе се отвори на 17 јули со свечена заклетва на новите пратеници, следниот ден ќе се гласа новиот претседател на Парламентот, а потоа и презентирање на владината програма и гласање доверба на новата влада.
За прв пат во поновата грчка историја, граѓаните во јули гласаат на предвремени парламентарни избори, но сепак посетувањето на гласачко место на средина на лето и не е толку непознато за Грците, со оглед на тоа дека референдумот пред четири години се одржа на 5 јули.
