Нова тура апсења: Запленети дрога, оружје и 191 куршум

Во полициска акција спроведена на 13 февруари 2026 година во угостителски објект на улицата „Гоце Делчев“ во Гостивар, полициски службеници од ОВР Гостивар лишиле од слобода четири лица, поради сомнение за поседување дрога и нелегално оружје.

— реклама —

Приведени се А.Р. (23), З.А. (22) и Н.С. (24), сите од Гостивар. При извршен преглед, кај А.Р. биле пронајдени осум пакувања со бела прашкаста материја, додека кај З.А. било пронајдено едно пакување со бела прашкаста материја.

— реклама —

— реклама —

Подоцна, со судска наредба, бил извршен претрес во домот на А.Р., при што биле пронајдени и одземени пиштол „берета“ калибар 22 мм, пушка карабин „застава“ калибар 8,57 мм, една рамка и вкупно 191 куршум од различен калибар, за кои лицето не поседувало соодветна дозвола.

— реклама —

По целосно документирање на случајот, против приведените ќе бидат поднесени соодветни кривични пријави.