Првиот човек на Хезболах Хасан Насрала е убиен во цел воздушен напад врз централниот штаб на Хезболах лоциран под земја под станбени згради во либанскиот главен град Бејрут, објавија израелските медиуми, повикувајќи се на израелската армија (ИД).
Во соопштението на израелската армија се наведува дека нападот врз централниот штаб на Хезболах е извршен по прецизни разузнавачки информации на армијата и безбедносните служби. Се додава дека нападот бил изведен додека „високиот синџир на команда“ на либанската милитантна група дејствувал од јужното предградие Дахија во Бејрут.
„Нападот беше извршен додека во штабот беа највисоките функционери на Хезболах кои подготвуваа и координираа терористички активности против граѓаните на Израел“, се вели во соопштението.
ИД објави дека покрај Насралах, во истиот напад биле убиени уште неколку високи команданти на Хезболах, меѓу кои и командантот на јужниот фронт Али Каракех.
Хезболах, како и Иран, досега не ги коментираше наводите за смртта на Насрала.
Хезболах и Израел наизменично се напаѓаа од почетокот на израелската интервенција во Појасот Газа во октомври минатата година, а нападите се интензивираа во последните две недели, при што израелското разузнавање изврши масовен напад врз Хезболах со активирање експлозивни направи во пејџери и воки-токи што ги користи Хезболах за комуникација.
