Нови правила за паркирање во стариот дел на Охрид од понеделник

Од понеделник, 13 јули, во Охрид започнува примената на новиот режим на паркирање на улиците „Илинденска“, „Коста Абраш“ и „Цар Самоил“, соопшти ЈП „Билјанини Извори“.

— реклама —

Паркинг-местата на овие улици ќе можат бесплатно да ги користат само резидентните жители кои поседуваат соодветна документација и важечка резидентна налепница. За останатите возила паркирањето на обележаните места ќе биде забрането, а за прекршителите ќе следуваат санкции, вклучително и поставување блокатор.

— реклама —

Од претпријатието информираат дека возилата паркирани на необележани места, коловоз или други јавни површини спротивно на сообраќајната сигнализација ќе бидат санкционирани од Министерството за внатрешни работи.

— реклама —

Резидентните жители ќе можат бесплатно да го користат и паркингот кај Општина Охрид до 1 септември, додека за туристите и другите посетители останува на располагање паркирањето во Б-зоната со можност за купување месечен паркинг-билет.

— реклама —

Од ЈП „Билјанини Извори“ потсетуваат и дека дотурот на стока во стариот дел на Охрид треба да се врши најдоцна до 10 часот и апелираат до граѓаните и посетителите да ги почитуваат новите правила за паркирање.