Нови сомнежи за злоупотреби во „Комунална хигиена“, Ѓорѓиевски побара истрага од институциите

Градоначалникот на Град Скопје, Орце Ѓорѓиевски, синоќа рече дека до него пристигнале нови информации поткрепени со документи кои, како што рече, укажуваат на можни финансиски злоупотреби во Јавното претпријатие „Комунална хигиена“. Побара надлежните институции веднаш да реагираат и да ги испитаат наводите.

— реклама —

— реклама —

Добив извештај придружен со документација која покажува дека во последниот период биле ангажирани возила за чистење, а исплатите за нив се вршеле на сметка на физички лица под изговор дека се работи за интелектуални услуги, со износи меѓу пет и десет илјади евра. Јавно ги повикувам сите релевантни органи да се вклучат и детално да ја проверат состојбата. Веќе најавив ревизии и одговорност, а новите информации потврдуваат дека има сериозни индиции за прекршување на законите, особено во работењето на ‘Комунална хигиена’“, истакна градоначалникот.

— реклама —

Ѓорѓиевски најави и дека во наредниот период ќе бидат извршени дополнителни контроли и во другите јавни претпријатија под надлежност на Градот Скопје, со цел да се утврди дали има слични неправилности и таму.