Детски културен центар „Карпош“ ќе одржи Новогодишна, полугодишна завршна, ликовна и Етнолошка изложба како и балетска претстава, наречена „Новогодишна бајка“. Членовите од ликовната секција ќе имаат изложба со прекрасни цртежи од малите ликовни уметници, додека танцово-ритмичката секција со малите и големите балеринчиња преку игра ќе ја претстават Новогодишната бајка со која ќе го ја најават доаѓањето на Новата година -2019. Нивните родители и останатата публика ќе можат да уживаат во сето она што го сработиле двете секции во првото полугодие. Исто така на влезот покрај изложбата од малите ликовни уметници ќе има и Етнолошко катче со македонски носии со кои играат нашите фолклорци.
“Новогодишна бајка“ ќе се одржи во, кино салата “Фросина“ во Младински културен центар –МКЦ на 24.12.2018 год. со почеток во 18,00 часот.
