На 4 катастарски парцели во о. Гази Баба се планира изградба на постројки за термички, физичко - хемиски и хемиски третман на неопасен отпад. Локацијата на КП 11589/1, 11683, 11684 и 11730/1 во КО Старо Скопје е северно од комплексот Железара и источно од о. Бутел , се вели во објавата на О2 иницијатива.
Во продолжение на објавата се додава:
👉 Во тек е спроведување на стратегиска оцена за влијание за животната средина (СОЖС) со рок за доставување на забелешки до 30.04.2021
Вкупната површина на овие парцели е 229,256 м2. Парцелите се во државна сопственост и ќе се продаваат на инвеститор кој неофицијално е познат.
Општината не дала уште официјални податоци за каков отпад станува збор, ниту со каква технологија тој ќе се преработува и согорува.
⚠️ Неофицијално, на оваа огромна површина се планира да се отвори фабрика која ќе врши третман на троската од Макстил, топење на прашината од филтрите на оџаците од челичарница и топење на цинк. За да се задоволат капацитетите на фабриката, ќе се врши и увоз на индустриски отпад од Косово (☢️ радиоактивен?) и Албанија.
Низ земјиштето што се продава поминува водоводна мрежа за селата Црешево и Смилковци, па со изградбата на фабриката за преработка на отпад, водоводот ќе треба да се премести.
Советникот на о. Гази Баба, Дејан Димитриевски, изјавува дека во близина на ова земјиште има земја што се обработува заради производство на храна и има сознанија дека фирми се заинтересирани таму да отворат конзервна индустрија и други лесни незагадувачки индустрии, но не можат да добијат, зошто земјиштето му се дава на инвеститорот за преработка и согорување на отпад.
Приоритет на отпад, и тоа увезен и по можност ☢️ радиоактивен vs. производство на храна.
Убави приоритети има општина Гази Баба и нејзиниот градоначалник за своите и граѓаните на Скопје и околината. Во кој апсурдистан ние живееме.
извор: О2 иницијатива
