Обезбедувачот Амин Абдула, татко на осум деца, загинал во пукање во џамија во Сан Диего, а властите го опишуваат како херој кој спасил животи.
Во нападот врз Исламскиот центар Сан Диего биле убиени уште две лица – Мансур Казиха и Надер Авад.
Началникот на полицијата Скот Вал изјави дека постапките на Абдула биле „херојски“ и дека тој несомнено спасил човечки животи.
Според властите, нападот го извршиле двајца сè уште неидентификувани тинејџери, кои по злосторството си го одзеле животот.
Од џамијата соопштија дека Абдула бил човек кој „се изложил на опасност за да ги заштити другите“ и дека, дури и во последните моменти, не престанал да ја брани заедницата.
Пукањето се случило откако мајката на еден од напаѓачите ја известила полицијата дека нејзиниот син избегал од дома и можеби е склон кон самоубиство.
Неколку часа подоцна, полицијата ги пронашла жртвите пред џамијата, а потоа и двајцата осомничени мртви во возило во близина.
Полицијата соопшти дека случајот се истражува како злосторство од омраза.
