Гостиварец пријавил дека бил измамен за 34.785 денари откако објавил оглас за продажба на книги преку специјализирана веб-страница.
Случајот бил пријавен на 8 октомври во 17:30 часот во ОВР Гостивар од 53-годишен жител на Гостивар. Според неговата пријава, откако го објавил огласот, го контактирало лице кое се претставило како М.П. од Грција.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Лицето му испратило линк, наводно за уплата на средствата за книгите. Гостиварецот ги внел податоците од својата банкарска картичка и извршил авторизација на трансакцијата.
Подоцна забележал дека од неговата сметка биле одземени 34.785 денари, по што сфатил дека бил измамен.
Од МВР информираат дека се преземаат мерки за расчистување на случајот.
