Објавувал епизоди од телевизиска серија на Фејсбук без авторски права, кривична за 46-годишен скопјанец

Скопјанец на возраст од 46 години доби кривична пријава поради сомнение дека преку Фејсбук незаконски објавувал епизоди од телевизиска серија за која немал авторски права.

— реклама —

Секторот за компјутерски криминал и дигитална форензика при МВР поднел пријава до Основното јавно обвинителство Скопје против Ј. К. за „Повреда на авторско право и сродни права“ и „Пиратерија на аудиовизуелно дело“.

— реклама —

— реклама —

Според МВР, во текот на 2024 година пријавениот, како администратор на Фејсбук-страница, објавувал епизоди од серија чии ексклузивни авторски права биле отстапени на телевизиска куќа врз основа на склучен договор.

— реклама —

Постапувајќи по наредба на обвинителството, полицијата го повикала осомничениот на информативен разговор и привремено одзела електронски уред. По извршената форензичка анализа биле потврдени наводите од пријавата, како и исказот што го дал пријавениот.