Облачно и постудено време со дожд, на планините можен и снег

Македонија ја очекува претежно облачно и постудено време со повремени локални врнежи од дожд, кои ќе бидат пообилни во југоисточните делови од земјата. Поради продорот на постуден воздух од север, на некои од повисоките планини дождот повремено ќе преминува во снег.

— реклама —

— реклама —

Ќе дува умерен до засилен северен ветер, кој поизразен ќе биде долж Повардарието. Утринските температури ќе се движат од 7 до 13 степени, додека дневните ќе достигнат од 10 до 16 степени.

— реклама —

Во Скопје ќе преовладува облачно и постудено време со повремени врнежи од дожд. Ќе дува умерен северен ветер, кој во делови од котлината повремено ќе биде засилен. Минималната температура ќе се спушти до 11 степени, а максималната ќе достигне 14 степени.