Обвинителката на СЈО, Елизабета Јосифовска, која истовремено е заменичка на Катица Јанева, минатата година во имотниот лист објавен на страната на ДКСК впишала два нови станови, стекнати со договор за купопродожба.
Според објавените информации, сопственик на двата станови се нејзините деца. Тие се со површина од 68 метри квадратни, а имаат и гаражи од 15 метри квадратни и 4 метри квадратни запишани како помошни простории.
Јосифовска претходно потврди дека таа го потпишала позитивното мислење за враќање на пасошот на осмоничениот во „Империја“, Орце Камчев, но појасни дека одлука била на Јанева и таа како нејзина заменичка била должна да ја потпише, бидејќи ја заменувала додека била на одмор.
