Обвинувања за политичка позадина: „Ако Груби проговори, ќе се разоткрие криминал“

ВМРО-ДПМНЕ обвини дека СДС е „во грч“ поради стравот дека доколку Артан Груби проговори, ќе се разоткрие, како што наведуваат, „целиот криминал и политичката позадина“.

— реклама —

Од партијата тврдат дека СДС бил „директен сојузник и поддржувач“ на криминални политики поврзани со Груби и дека токму поради тоа денес застанува во негова заштита. Според нив, СДС ја избегнувал темата во Собранието и не поставил ниту едно пратеничко прашање поврзано со неговото име.

— реклама —

— реклама —

Во соопштението се наведува дека лидерот на СДС, Венко Филипче, како и поранешните функционери Зоран Заев, Оливер Спасовски и Миле Зечевиќ, се „исплашени од евентуалните искази“ што Груби би можел да ги даде пред надлежните органи.

ВМРО-ДПМНЕ побара Јавно обвинителство да ги истражи сите сомнежи и индиции, нагласувајќи дека „владеење на правото и правдата мора да има“.