Од 3.504 декларирани бугарски државјани во Македонија, само 210 се пријавени за гласање за тамошните избори

Од вкупно 3.504 декларирани Бугари во Македонија, за гласање на претстојните парламентарни избори во Бугарија се пријавиле само 210 лица.

— реклама —

Најмногу пријавени има во Струмица – 62, потоа во Охрид 56, Прилеп 52, Скопје 29 и Битола 11 гласачи. Пријавувањето е можно и директно на избирачките места, но досегашните бројки покажуваат слаб интерес.

— реклама —

Овој податок доаѓа во момент кога Бугарија ги одржува осмите парламентарни избори во последните пет години, а политичката нестабилност и честите изборни циклуси очигледно влијаат и врз гласачите надвор од земјата.

— реклама —

Дополнително, во 2022 година за гласање биле пријавени 461 лице, што значи дека интересот сега е речиси преполовен.

— реклама —

Додека во Бугарија се очекуваат резултатите од уште еден неизвесен изборен циклус, бројките од Македонија испраќаат јасна порака за слаб интерес и дистанца од политичките процеси во соседството.