Во пресрет на одбележувањето на 2 Август – Денот на Републиката, на 27 јули ќе започне 48. традиционален Илинденски коњички марш, во организација на Здружението „Илинденски марш 1978“.
Свеченото испраќање на коњаниците ќе се одржи во 18 часот од дворот на црквата „Св. Петар и Павле“ во Горно Лисиче. Околу 40 коњаници, меѓу кои и пет девојки, ќе тргнат на пат кон Крушево, продолжувајќи ја традицијата што се негува речиси пет децении во чест на илинденците.
На 31 јули, учесниците од Горно Лисиче ќе им се придружат на коњаниците од Свети Николе, Кичево и Битола, со што ќе биде испратена порака за единство, зачувување на традицијата и оддавање почит на македонската историја.
Од Општина Аеродром ги повикуваат граѓаните да присуствуваат на свеченото испраќање и заедно да им оддадат почит на илинденските херои и на вредностите што ги оставиле како трајно наследство.
