Од мопед пукал со автоматска пушка кон куќа во Селце

Три лица се приведени во рамки на истрагата за пукањето кон семејна куќа во Тетовско, откако полицијата презела повеќе активности за расчистување на случајот.

— реклама —

На 10 август, во 14:45 часот, полициски службеници од СВР Тетово го лишиле од слобода 34-годишниот А.Џ. од село Селце, поради сомнение дека сторил кривично дело „предизвикување општа опасност“.

Тој се сомничи дека на 8 август, околу 04:20 часот, додека се движел со мопед, испукал повеќе куршуми од автоматска пушка кон семејната куќа на 48-годишниот Ш.Б., по што го напуштил местото.

— реклама —

Во рамки на истрагата, на 10 август полицијата со судска наредба извршила претрес во домот и помошните простории на 44-годишниот Д.С. во Тетово. При претресот биле пронајдени и одземени 66 патрони ловечка муниција калибар 12 милиметри, две кациги, две камери за видеонадзор и мемориска картичка.

— реклама —

Од слобода била лишена и 58-годишната Ф.С. од Тетово поради сомнение за „помагање“, како и за кривично дело поврзано со неовластено изработување, држење, посредување и тргување со оружје или распрскувачки материи.

Во врска со настанот, во 23:40 часот во СВР Тетово сама се пријавила и 31-годишната Ф.С. од Тетово.

— реклама —

Тројцата се задржани во полициска станица. По целосното расчистување и документирање на случајот, против нив ќе бидат поднесени соодветни пријави.