Од повредените патници во автобуската несреќа, 12 лица сеуште во болница, 2 во тешка состојба

Во врска со состојбата на повредените лица во сообраќајната несреќа која се случи на автопатот Скопје-Тетово на 13 февруари, во моментот во Градската општа болница се наоѓаат 8 пациенти, од кои 1 пациент е во тешка состојба и се лекува на одделот за хируршка-интензивна нега, а останатите пациенти се во добра општа состојба.

— реклама —

Што се однесува до состојбата на повредените кои се сместени во комплексот клиники, информираме дека на КАРИЛ во моментов се третираат тројца пациенти, од кои еден е во тешка состојба, додека другите двајца се стабилни.

— реклама —

— реклама —

На Универзитетската клиника за неврохирургија има една пациентка и таа во моментов е во стабилна состојба.

Исто така, информираме дека пациентот од трауматологија во текот на денешниот ден ќе биде пуштен на домашно лекување.