Кик-бокс клубот Патриот спорт, во рамките на проектот ,,Создаваме трајни вредности “ ја реализираше активноста- Отворен ден на кик-боксот, каде учениците од основно и средно образование, како и сите други млади кои се заинтересирани за ова спортска дисциплина, имаа можност одблиску да се запознаат со техниките во овој спорт, со опремата која се користи и правилата на оваа спортска дисциплина.
Дел од учениците имаа можност и директно да се вклучат во тренажниот процес и да тренираат заедно со членовите на клубот.
Една од главните цели во реализацијата на овој проект на Здружението КБК ,,Патриот спорт“ е подигање на свеста кај младата популација за придобивките од бавење со спортски активности, во конкретниот случај со кик-боксот, како и водење на грижа за сопственото здравје, формирање и стекнување на здавствено хигиенски навики, превентива, избегнување на пороците на деншното модерно време, формирање на високо морални личности, кои спремно ќе се соочуваат со животните предизвици.
Овој проект финасиски е поддржан од буџетот на Општина Крива Паланка, преку Програмата за поддршка на здруженија и фондации за 2019 год.
