Судењето за предметот „Траекторија” продолжува на 13 март, откако денешното рочиште беше одложено поради тоа што обвинителката од СЈО, Лиле Стефановска била спречена да присуствува. Судијата Горан Бошевски истакна дека Стефановска можела да обезбеди замена но сакала таа лично да присуствува на предметот.
Стефановска не сакала да испрати замена бидејќи сакала таа лично да ја води доказната постапка, во која обвинети се поранешниот премиер Никола Груевски на кого му се суди во отсуство, ексминистерот за транспорт и врски Миле Јанакиески, поранешниот вицепремиер Владимир Пешевски и ексдиректорот на ЈП Државни патишта Љупчо Георгиевски.
