Предлогот на ЈО за раздвојување на постапка за осомничените во случајот „ТНТ“, судот го одби како неосновано. Судењето ќе продолжи на 17 јануари, а денешното повторно се одложи поради отсуство на осомничениот Тони Трајковски, кој вчера беше претепан, а денеска завршил на неврологија и бил неконтактибилен.
Ова утрово го кажа неговиот адвокат Јовица Страшевски објаснувајќи зошто не дошол неговиот клиент на денешното рочиште.
Но дали сепак ќе продолжи судењето, судечкиот совет дополнително ќе одлучи зашто обвинителот Бурим Рустеми бара да се раздвои постапката: една за Тони Трајковски и четворицата членови на Комисијата за јавна набавка од Општина Гази Баба во 2011 година и друга за Миле Јанакиески и Никола Груевски, кому му се суди во отсуство.
Ова би значело да продолжи судењето за Јанакиески и Груевски, а за останатите ќе продолжи кога Трајковски ќе може да присуствува на рочиштата.
фото: Архива
