Со полагање цвеќе пред спомен-обележјето на Живко Чинго, во Охрид ќе биде одбележан животот и творештвото на еден од значајните македонски писатели.
Во рамки на програмата е предвидено обраќање на претставник на Општина Охрид, како и доделување на наградата за најдобар расказ. На присутните ќе им се обрати и добитникот на наградата, д-р Марјан Патлиџанковски.
Беседа за Живко Чинго ќе одржи академик Катица Кулавкова, по што ќе следува културно-уметничка програма со проектот „Македониум“.
Во програмата ќе настапат музичари и уметници на хармоника, кларинет, вокал, пијано, виолина и кахон, како и рецитаторите Софија и Виктор Милески.
Настап ќе има и КУД „Илинден“ од Велгошти.
