Охрид и оваа седмица продолжува да живее во духот на „Ohrid Water Festival“, кој покрај Охридскиот пливачки маратон понуди и низа спортски и рекреативни содржини на вода.
Во изминатите седум дена беа реализирани повеќе настани, меѓу кои и две активности за промоција на рекреативното нуркање кај најмладите. Децата имаа можност одблиску да се запознаат со нуркањето како спорт и рекреативна активност.
Дел од фестивалската програма беа и Четвртиот меѓународен пливачки митинг „ОВФ 2026“, кајак регатата Струга–Охрид, СУП јогата на вода, како и Меч рејс регатата на едрилици, која завршува денес.
Градоначалникот на Охрид, Кирил Пецаков, информира дека фестивалот продолжува и во текот на оваа седмица со нови спортски активности на вода.
Од четврток, 26 август, започнува и музичкиот дел од програмата, а фестивалската атмосфера ќе биде надополнета со концерт на Ѓоко Танески.
