„Охридски комуналец“ со апел до граѓаните: Не приближувајте се до ископот кај поранешните подземни контејнери

ЈП „Охридски комуналец“ ги повика граѓаните да ги почитуваат безбедносните предупредувања и да не се приближуваат до ископот на локацијата каде што претходно беа поставени подземните контејнери.

— реклама —

Од претпријатието информираат дека на ова место е во тек подготовка за изградба на објект „Зелена соба“, во кој ќе бидат поставени контејнери за селекција на отпадот, како и контејнери за комунален отпад.

Во моментов, на локацијата има подлабок ископ во кој е насобрана вода. Просторот е обележан и обезбеден со жолти предупредувачки ленти со натпис „Внимание – градежни работи“.

— реклама —

— реклама —

Од ЈП „Охридски комуналец“ апелираат до граѓаните да не ги преминуваат заштитните ленти и да не се приближуваат до ископот, особено да внимаваат децата да немаат пристап до овој простор.

Изградбата на „Зелената соба“ е дел од заложбите за унапредување на комуналната инфраструктура и создавање подобри услови за селекција и правилно одлагање на отпадот во Општина Охрид.