СВР Охрид поднесе кривична пријава против 68-годишниот Т.Б. од струшкото село Делогожда, поради постоење основи на сомнение за сторено кривично дело „вршење јавен превоз без поседување лиценца“ по член 284-а од Кривичниот законик.
При контрола извршена на 19 август 2026 година, Т.Б. бил затекнат пред деловен објект во Охрид како нуди и врши јавен превоз на патници во внатрешниот сообраќај.
Според МВР, тој не поседувал соодветна лиценца издадена од надлежен државен орган, со што постапувал спротивно на одредбите од Законот за превоз во патниот сообраќај.
