Охриѓанец возел мртов пијан и предизвикал сообраќајка, полицијата му го одзеде автомобилот

Возач од Охрид бил уапсен откако предизвикал сообраќајна незгода управувајќи автомобил со 3,05 промили алкохол во крвта.

— реклама —

Според информациите од Министерството за внатрешни работи, несреќата се случила на 14 ноември, околу 14:26 часот, на улицата „15 Корпус“ во Охрид. Во неа учествувале „Фолксваген Голф“, управуван од 44-годишниот Б.П. од Охрид, и „Опел“, управуван од 67-годишен жител на селото Лескоец.

— реклама —

— реклама —

При алкотестирањето кај 44-годишниот возач биле измерени 3,05 промили алкохол во крвта. Полицијата го исклучила од сообраќај и го лишила од слобода.

— реклама —

По наредба на јавен обвинител, автомобилот му бил одземен. Од МВР најавуваат дека по целосно документирање на случајот ќе следува соодветна пријава.