ОК ВМРО ДПМНЕ: Борбата за Македонија никогаш не запира, а нашата генерација има аманет обнова на Македонија

Стремежите за слобода и правда на татковината се најсилни. Македонски родољупци да го негуваме вековниот сон на нашите предци и триумф на нашата вековна борба.

— реклама —

8 Септември е ден кога Македонците во 1991 година го остварија својот вековен стремеж за создавање на независна и суверена Македонија. Празник кој ја означува сувереноста, независноста и самостојноста на Македонија и македонскиот народ.

— реклама —

Заветот на сите оние кои се жртвувале и бореле и својот живот го положиле за сонот наречен Република Македонија останува наша обврска да го пренесеме на сите идни поколенија.

Достоинството на нашата земја не е предодрено – достоинството мора да се заработи. Борбата за Македонија никогаш не запира, а нашата генерација има аманет обнова на Македонија и да се чуваат идентитетот, името, јазикот, културата и историјата.

— реклама —

Нека овој ден вечно се памети и слави со голема радост, гордост и љубов.

— реклама —

Нека ни е честита, вековита и просперитетна Република Македонија, се вели во честитката од ОК ВМРО ДПМНЕ Охрид.