ОН бара од Русија враќање на киднапираните украински деца

Општото собрание на Обединетите нации усвои резолуција со која од Русија се бара итно, безбедно и безусловно враќање на сите украински деца кои биле присилно префрлени или депортирани за време на војната во Украина. Резолуцијата исто така ја повикува Москва веднаш да ја прекине оваа практика.

За резолуцијата гласаа 91 држава, меѓу кои и САД, додека 57 земји беа воздржани. Против гласаа Русија и уште 11 држави, јавува Reuters.

— реклама —

Според националната база на податоци „Деца на војната“ на Украина, најмалку 19.546 украински деца се киднапирани и однесени во Русија или области контролирани од Русија.

Иако се проценува дека илјадници деца се насилно посвоени од руски семејства, други биле затворени во руски кампови за милитаризација и превоспитување.

— реклама —

Русија побара резолуцијата да не биде усвоена.

— реклама —

,,Секој глас за резолуцијата е поддршка на лаги, војна и конфликти. Секој глас против е глас за мир”, изјави заменичката на рускиот амбасадор во ОН, Марија Заболотскаја, пред гласањето.

Меѓународниот кривичен суд издаде налог за апсење на Путин во март 2023 година, обвинувајќи го за воено злосторство за нелегално депортирање стотици деца од Украина, потег што Русија го отфрли како „скандалозен и неприфатлив“.

Москва порано тврдеше дека „ги штити ранливите деца од воени зони“.

На 1 декември, Зеленски изјави дека досега се вратени само 1.859 украински деца киднапирани од Русија.