ООУ „Димитар Македонски“ победник на 35-тиот противпожарен квиз-натпревар

Општинскиот противпожарен сојуз – Аеродром организираше квиз-натпревар по противпожарна заштита за учениците од основните училишта од Општина Аеродром.

— реклама —

Победник на годинешниот 35-ти натпревар што се одржа во ООУ „Лазо Ангеловски“ е екипата од основното училиште „Димитар Македонски“, која ќе учествува на регионалниот квиз во организација на Противпожарниот сојуз на Град Скопје.

— реклама —

— реклама —

На натпреварот, исто така, беа доделени и награди за ликовни и литературни творби со мотиви за заштита од пожари. За најдобра ликовна творба беше прогласен цртежот на Вероника Митреска од 7-а одделение од ООУ „Димитар Македонски“, а наградата за најдобра литературна творба отиде во рацете на ученикот Димитар Јованов од 7-2 одделение од ООУ „Блаже Конески“.

— реклама —

Традиционалниот квиз-натпревар претставува една од најважните форми за едукација на младите за заштита од пожари.