Во двор од семејна куќа во скопското село Батинци ноќеска избувнал пожар на патничко возило „Фолксваген Голф“ со скопски регистарски ознаки, информираат од Министерството за внатрешни работи.
Според информациите, случајот бил пријавен во СВР Скопје околу 2:50 часот, а возилото било сопственост на М.Џ. (22).
Пожарот бил изгаснат од екипа на Бригадата за противпожарна заштита Скопје, при што нема повредени лица.
На местото бил извршен увид, а се преземаат мерки за утврдување на причините за пожарот.
