Влезна врата од стан во станбена зграда на подрачјето на Кисела Вода била опожарена рано утрово, а полицијата го привела осомничениот за делото.
Од МВР информираат дека случајот бил пријавен денеска (1 септември) во 5:15 часот. Опожарена била влезната врата од стан во сопственост на 57-годишниот Х.С. од Скопје.
Во настанот нема повредени лица. По преземените мерки, полицијата го лишила од слобода Д.Т. (50) од Скопје поради сомнение дека го предизвикал пожарот.
По целосното документирање на случајот, против него ќе биде поднесена соодветна пријава.
