Општина Охрид започнува со активности за машинско и рачно чистење на речните корита, дивите депонии, одроните и останатите критични точки на територијата на општината.
Како што информира градоначалникот Кирил Пецаков, активностите се насочени кон превенција од поплави и подобрување на протокот во речните корита.
Од Општина Охрид посочуваат дека со активностите продолжува работата на уредување и одржување на просторот, со цел подобрување на условите на територијата на општината.
