И оваа година преку проектот „Учиме да пливаме“ учениците од прво одделение и дечињата со попреченост во општина Аеродром имаат можност да ги совладаат техниките и стиловите на пливањето, целосно бесплатно, овозможено со средства од Општина Аеродром. Како дел од проектот, учениците добиваат часови од стручни лица, како и целосна опрема за пливање, информираат од Општина Аеродром.
„Инклузивноста и здравиот начин на живеење се важни за нас во Аеродром, а задоволството на родителите и радоста на дечињата се доволна потврда дека со проектот ги рушиме стереотипите на административното работење и грижата за најмладите ја ставаме високо во нашите приоритети“, се истакнува во официјалната информација.
Пливањето, појаснуваат од таму, овозможува тренинг за целото тело и го активира умот, а преку конкретниот проект, освен физичкиот развој, дечињата успеваат за момент да ги оттргнат од секојдневните обврски и дигиталната технологија стекнувајќи нови спортски и моторички вештини.
Најавуваат дека поддршката за спортот и здравиот живот продолжува и понатаму, со проекти и активности во разни спортски дисциплини.
Макфакс