Од општина Охрид ги известуваат сите апликанти кои аплицирале на Јавниот повик за финансирање на програми и проекти од Јавен интерес на општина Охрид за 2019 година, дека постапката е ставена во мирување.
– В.д градоначалникот на Охрид Константин Георгиевски, согласно законската регулатива и член 8-а од изборниот законик, донесе одлука со која постапката по однос на Јавниот повик за финансирање на програми и проекти од јавен интерес на општина Охрид за 2019 година се става во мирување. Постапката ќе продолжи по завршување на изборите за избор на претседател на државата и изборите за градоначалник на општина Охрид, информираат од охридската локална самоуправа.
