Општина Охрид реализира нови инфраструктурни проекти во Бејбунар и на улицата „Шар Планина“

Општина Охрид продолжува со реализацијата на проекти за подобрување на комуналната инфраструктура и условите за живот на граѓаните, информираше градоначалникот Кирил Пецаков.

— реклама —

Во тек се градежни активности за доизградба на атмосферски канал на улицата „АСНОМ“ во станбениот комплекс „Бејбунар“. Проектот предвидува поставување на ПЕФ 630 цевковод во должина од 400 метри, а неговата вредност изнесува 4.353.247 денари. Работите ги изведува ЈП „Нискоградба“ по налог на Општина Охрид, со средства обезбедени од општинскиот буџет.

— реклама —

— реклама —

Паралелно, екипите на ЈП „Нискоградба“ реализираат и партерно уредување на дел од улицата „Шар Планина“, каде што се врши поплочување со бехатон плочки на површина од 1.200 квадратни метри.

— реклама —

Вкупната вредност на овој проект изнесува 2.964.337 денари. Од Општина Охрид посочуваат дека со овие инвестиции се подобрува комуналната инфраструктура и се создаваат поквалитетни услови за секојдневниот живот на граѓаните.