Орце Ѓорѓиевски доби признание за поддршката во обновувањето на храмот „Свети великомаченик Димитриј“

Со свеченост по повод 130 години од изградбата на храмот „Свети великомаченик Димитриј“ во Скопје, беше одбележана долгогодишната духовна и историска традиција на ова свето место. По тој повод, градоначалникот на Скопје, Орце Ѓорѓиевски, доби признание за поддршката во реконструкцијата на придружните објекти на храмот.

— реклама —

Ѓорѓиевски истакна дека храмот, кој некогаш бил Соборен, со децении претставува место каде што верниците наоѓале утеха во тешките мигови, благодареле за радоста и се молеле за здравјето и мирот на своите најблиски.

Тој посочи дека признанието има посебно значење за него и дека ќе го чува како едно од најдрагите, но и како потсетник за обврската да се зачува наследството од претходните генерации.

— реклама —

„За мене, да се помогне е чест, но и одговорност пред генерациите што допрва ќе го пречекорат прагот на овој храм“, истакна Ѓорѓиевски, упатувајќи благодарност до архиепископот охридски и македонски г.г. Стефан, отец Жарко и свештенството на Македонската православна црква за укажаната чест и нивната посветеност.

— реклама —

Тој изрази желба храмот и во наредните векови да биде исполнет со верници, молитви и духовност, а неговите камбани да продолжат да повикуваат на мир, љубов и добрина.

— реклама —