60-годишен осуденик бил пронајден починат во Казнено-поправната установа „Идризово“ во Скопје.
Од МВР информираат дека случајот бил пријавен на 6 септември во 5 часот во СВР Скопје од страна на установата. Станува збор за Д.М. (60) од неготинско.
Лекар од Итната медицинска помош констатирал смрт, при што не биле забележани видливи траги на насилство.
По насоки на јавен обвинител, телото на починатиот било предадено за обдукција, а увид на местото извршила увидна екипа од СВР Скопје.
