Во текот на изминатото деноноќие, до 07:30 часот на 30 август, во земјава се регистрирани вкупно 27 пожари на отворен простор.
Од нив, 8 пожари се активни, 2 се под контрола, додека 17 се изгаснати, информира Центарот за управување со кризи.
Активни пожари има во општините Ресен, Сарај, Петровец, Јегуновце, Чашка, Прилеп и Боговиње. Горат различни видови ниска и мешана шума, ниска вегетација, а во два случаи пожарите се на депонија и кај Касарната во Прилеп.
Два пожари се ставени под контрола – во реонот на селото Трново, кон селата Битово, Заград и Страјане, како и над селото Палиград во Општина Студеничани.
Во текот на ноќта и утрото се изгаснати 17 пожари во повеќе општини, меѓу кои Битола, Долнени, Прилеп, Струмица, Босилово, Струга, Градско, Куманово, Липково, Бутел, Илинден, Зелениково, Петровец, Гази Баба, Дебар и Штип.
