Осум лица повредени во судир на четири возила кај Козјак

На регионалниот пат кон ХЕЦ „Козјак“, во атарот на скопското село Варвара, вчера се случила сообраќајна несреќа во која учествувале четири возила, соопшти Министерството за внатрешни работи.

Според информациите од МВР, во несреќата учествувале „фолксваген голф“, управуван од 19-годишниот Е.Џ. од село Црн Врв, „сеат“ управуван од 31-годишниот Д.А. од село Батинци, товарен „мерцедес“ управуван од 63-годишниот Ш.С. од село Малчиште и „форд“, управуван од 47-годишниот Н.Л. од Скопје.

— реклама —

Со тешки телесни повреди се здобил 18-годишниот Б.Р. од село Батинци, кој бил сопатник во „голфот“.

Телесни повреди добиле и четворицата возачи, како и 30-годишниот Б.О. од село Палиград и С.Л. од Скопје, кои биле сопатници во „голфот“ и „фордот“.

— реклама —

Повредените биле пренесени и прегледани во Комплексот клиники „Мајка Тереза“ и во ЈЗУ „Св. Наум Охридски“.

— реклама —

Увид на местото на несреќата извршила увидна екипа на СВР Скопје.