Осум лица уапсени во Скопје и Велес поради пронајдена дрога

Осум лица биле лишени од слобода во Скопје и Велес откако при полициски преглед кај нив била пронајдена дрога, информира МВР.

— реклама —

На 27 септември, полициски службеници од СВР Скопје на различни локации во Скопје ги лишиле од слобода Ј.Х. (30), Б.Л. (27), С.Р. (24), Р.Б. (29), Р.Ч. (27), 17-годишна малолетничка, сите од Скопје, како и Џ.Л.Г. (29) од Обединетото Кралство.

— реклама —

Кај нив биле пронајдени и одземени марихуана, кафеава и бела прашкаста материја и ризли.

— реклама —

Истиот ден во 17:20 часот во Велес, полициски службеници од СВР Велес го лишиле од слобода Д.Ѓ. (37) од Велес. При преглед кај него била пронајдена и одземена бела прашкаста материја.

Од МВР информираат дека по целосното документирање на случаите против лицата ќе следуваат соодветни поднесоци.