Осум возачи приведени поради безобѕирно управување возило

Осум возачи биле лишени од слобода во текот на изминатото деноноќие на различни локации низ Македонија поради сомнение за сторено кривично дело „безобѕирно управување возило“, предвидено во член 297-а од Кривичниот законик.

— реклама —

Според информациите од Министерството за внатрешни работи, шестмина од нив управувале возила без положен возачки испит. Станува збор за Б.Р. (36) од Слатино, тетовско, З.С. (34) од Кичево, Д.Т. (40) од Миравци, гевгелиско, Е.Б. (24) и двајца 17-годишници од Скопје.

— реклама —

Полицијата извршила и службен разговор со 14-годишник од Велес, во присуство на негов родител, бидејќи управувал мопед без возачка дозвола.

— реклама —

Дополнително, В.К. (44) од Скопје и Н.С. (26) од Охрид управувале возила и покрај тоа што имале активна забрана за управување со моторно возило.

— реклама —

По целосното документирање на случаите, против лицата ќе бидат поднесени соодветни кривични пријави.